ရခိုင်ပြည်နယ် ကျောက်ဖြူမြို့အနီးမှ ပြီးခဲ့သည့်အောက်တိုဘာ (၂၂) ရက်နေ့တွင် တိုက်ခတ်ခဲ့သော ဆိုင်ကလုန်းဂီရိကြောင့် မုန်တိုင်းဖြတ်သွားသော ဒေသများတွင် အရေးပေါ်ကယ်ဆယ်ရေးများ အမြန်လိုအပ်နေသည်။

မုန်တိုင်းကြောင့် ကျောက်ဖြူမြို့ တမြို့လုံး ပျက်စီးကာ မြေပုံမြို့နှင့် ယင်းမြို့နယ်အတွင်း ကျေးရွာပေါင်း (၂၀) ခန့် ပျက်စီးသွားခဲ့ပြီး အိုးမဲ့အိမ်မဲ့ လူဦးရေပေါင်း သောင်းနှင့်ချီ ရှိနေကြောင်း သိရသည်။

“ကျောက်ဖြူမှာ မြို့ပေါ်ရပ်ကွက်တွေတောင် ရေကမကျသေးဘူး။ သေတာလည်းရှိတယ်။ စာရင်းအရတော့ တိတိကျကျ မသိရသေးဘူး။ အစိုးရကတော့ သေတာလည်း မထုတ်ပြန်ရဘူး ပြောနေတယ်။ ကျနော် သိသလောက်က လောလောဆယ် သေသူစာရင်းက (၃၀) လောက် ရှိပါပြီ။ မြို့ပေါ်နဲ့ ရွာတွေက စာရင်းအရပါ” ဟု ကျောက်ဖြူမြို့ စေတီကွင်းရပ်ကွက်သား တဦးက ပြောသည်။

ဆိုင်ကလုန်းမုန်တိုင်း ဂီရိသည် ကျောက်ဖြူမြို့၊ မြေပုံမြို့တို့ကို အများဆုံး တိုက်ခတ်ခဲ့သောကြောင့် ယင်းမြို့နယ်များမှ ကျေးရွာပေါင်း ရာဂဏန်းခန့် ပျက်စီးကာ သေကျေမှုများလည်း ရှိကြောင်း စစ်တွေမြို့မှ လူမှုဝန်ထမ်း အရာထမ်းတဦးက ပြောသည်။

ကျောက်ဖြူမြို့ အာဏာပိုင်များက ကယ်ဆယ်ရေး စတင်ပြုလုပ်နေကြောင်း၊ ကယ်ဆယ်ရေးအတွက် အန်ဂျီအို၊ အိုင်အန်ဂျီအိုများနှင့် ပူးပေါင်းဆောင်ရွက်နေကြောင်း သိရသည်။

ရန်ကုန်ရှိ ရခိုင်အဖွဲ့အစည်းတခုဖြစ်သော ရခိုင်သဟာရအသင်းမှ အတွင်းရေးမှူး ဦးထွန်းနိုင်က “ကျနော်တို့ ရခိုင်သဟာရအသင်းက ကျောက်ဖြူမြို့ကို ဆန်အိတ်တွေ ပို့တော့မယ်။ ကျောက်တော်မြို့က ၀ယ်တာလည်း ပါတာပေါ့။ ငွေကိုတော့ ရန်ကုန်က အသင်းတွေက လှူကြတာ ရှိတယ်။ လိုတာတော့ လိုတာပေါ့ဗျာ။ အများကြီး ပျက်စီးသွားတာလေ” ဟု ပြောသည်။

မုန်တိုင်းကြောင့် မြေပုံမြို့နယ်အတွင်းမှ ကျေးရွာများတွင်သုံးသော သောက်ရေကန်များအားလုံး ပင်လယ်ရေ၀င်သွားသည့်အတွက် သောက်သုံးရေများ ပြတ်လပ်နေပြီး ၀မ်းပျက်ရောဂါများပါ ဖြစ်နေကြောင်း၊ ယင်းအတွက် ဆေးဝါးများလိုအပ်ကြောင်း၊ ကျောက်ဖြူမြို့သို့ သွားရောက်ကာ ဆန်များလှူဒါန်းနေသော စစ်တွေမြို့မှ လူမှုရေးလုပ်ငန်း လုပ်နေသူတဦးက ပြောသည်။

“ကျနော်တို့က မြေပုံကိုရောက်ပြီးပြီ။ အခြေအနေဆိုးတယ်လို့ ပြောရမှာပါ၊ အာဏာပိုင်တွေကလည်း သေသေချာချာကယ်ဆယ်ရေး လုပ်တာမရှိသေးဘူး” ဟု ၎င်းက ပြောသည်။

ရန်ကုန်တွင် ရွှေပန်းထိမ်လုပ်နေသော မြေပုံမြို့နယ်ရှိ အမြင့်ချောင်းရွာသားတဦးက “အိမ်တွေအားလုံး ကုန်တယ်။ ကျနော့်အိမ်လည်း အားလုံးပျက်တာတဲ့။ ဘာမှ မကျန်လိုက်ဘူးတဲ့။ ကျနော် ဆက်သွယ်လို့ရတာပေါ့လေ သေတာကတော့ အခုအယောက် (၂၀) ကျော်ပြီတဲ့၊ ပျောက်နေတာတွေကတော့ အများကြီးပဲတဲ့၊ ပျောက်နေတယ်ဆိုတာ သေစာရင်းပဲလေ၊ ကန်တွေကိုလည်း ဆားငန်ဝင်တာ ဘာမှသုံးမရတော့ဘူးတဲ့” ဟု ပြောသည်။

ရန်ကုန်တွင်ပြီးခဲ့သည့် အောက်တိုဘာ (၂၄) ရက်နေ့က ရခိုင်ပြည်နယ် ဓမ္မာရုံတွင် ရခိုင်လေဘေးအတွက် ပြုလုပ်သော အစည်းအဝေးမှ ကောက်ခံရရှိသော ငွေကြေးများကို ငွေသားသော်လည်းကောင်း၊ အိမ်များဆောက်လုပ်နိုင်ရန် သော်လည်းကောင်း၊ မုန်တိုင်းသင့်သူများလက်ကိုသာ အပ်မည်ဖြစ်ကြောင်း ရခိုင်သားကြီးစာပေမှ ဦးဦးလှမြင့်က ပြောသည်။

“အသင်းက ဆန်တွေလှူနေတယ်။ ငွေကိုလည်း လိုအပ်သလို လုပ်ဆောင်မယ်။ အဲဒီအခါ တကယ်ကို မုန်တိုင်းသင့်ခံရတဲ့ပြည်သူတွေ လက်ကိုပဲ တိုက်ရိုက်အပ်မှာပါ” ဟု ၎င်းက ပြောသည်။

ယခုအခါ မုန်တိုင်းတိုက်ပြီးသည်မှာ (၃) ရက်မြောက်နေ့ဖြစ်သော်လည်း မုန်တိုင်းဒဏ် ပိုမိုခံခဲ့ရသောမြေပုံမြို့နယ်တွင် အရေးပေါ် ကယ်ဆယ်ရေးလုပ်ငန်းများအတွက် မည်သူမျှ မရောက်လာသေးကြောင်း ဒေသခံတဦးက ပြောကြားသည်။

http://www.khitpyaing.org/index.php?route=detail&id=5104