ဂီရိဒုက္ခသည်များ ထပ်မံတိုးပွါး၊ အကူအညီများ အကြီးအကျယ်လိုအပ်
ကျောက်ဖြူ
အောက်တိုဘာ ၂၆၊ ၂၀၁၀
(၇း ၂၃ မိနစ်အချိန်မှမေးမြန်းချက်)
ဂီရိမုန်တိုင်းသင့် ပြည်သူများ မုန်တိုင်းဒဏ်ကြောင့် အိမ်များ ပျက်စီး ပျောက်ဆုံးသွား၍ ကျောက်ဖြူမြို့ဒုက္ခသည်စခန်းများတွင် ခိုလှုံသူအရေ အတွက်မှာ တစ်နေ့ထက်တစ်နေ့ တိုးပွါးလာကြောင်းနှင့် ဘေးထွက်ဆိုးကျိုးများနှင့် နောက်ဆက်တွဲပြဿနာများ ဆက် တိုက်ကြုံတွေ့နေရကြောင်း ရခိုင်ပြည်ဂီရီမုန်တိုင်းလေဘေးဒုက္ခသည်များကူညီရေး ကော်မတီ (ထိုင်းနိုင်ငံ) သို့ ဒေသခံတစ်ဦးက ဤသို့ပြောကြားခဲ့သည်။
မေး။ ။ အခုလက်ရှိ ကျောက်ဖြူအခြေအနေ ဘယ်လိုရှိလဲ ပြောပြပေးပါလား။
ဖြေ။ ။ အခြေအနေကတော့ ကျောက်ဖြူမြို့ထက်မှာ ခုအချိန်ထိ ရေမကျသေးဘူး၊ ဒုက္ခ သည်တွေကတော့ တိုးလာတာတွေ့နေရတယ်။
မေး။ ။ ဒါဆိုရင် ကျောက်ဖြူတစ်မြို့လုံးမှာ ရေတွေရှိနေတုန်းပဲလား … ရေနစ်မြုတ် နေတဲ့ အခြေအနေက ဘယ်လိုရှိနေသေးလဲ။
ဖြေ။ ။ စေတီတောင်ရပ်ကွက်မျိုးမှာတောင် ရေတစ်တောင်ကျောက်လောက်ရှိနေသေး တယ်လေ၊ မြေနိမ့်ပိုင်းရပ်ကွက်တွေကတော့ ပိုဆိုးတာပေါ့။
မေး။ ဒါဆိုရင် ဒုက္ခသည် ဦးရေက ဘယ်လောက်ရှိလာပြီလဲ၊ သူတို့စားဝတ်နေရေး အခြေအနေကရော ………….
ဖြေ။ ။ စုစုပေါင်း ၄၁၀၀ လောက်ရှိတယ်လို့ သိရတယ်။ အခုလက်ရှိအနေအထားအရ ဒုက္ခသည်တွေက ဘုရားကြီးတောင်၊ သံဖြူကျောင်း၊ စိန်ပန်းကျောင်းအစရှိတဲ့ ဘုန်းကြီး ကျောင်းတွေနဲ့ ဘောလုံးကွင်းမှာ တဲထိုးပြီး နေနေကြရတယ်။ အစားအသောက်ကျ တော့ အစိုးရက မိသားစုတစ်ခုကို ဆန်နို့ဆီ ၇ လုံး ပေးပါတယ်၊ ပေးတဲ့နဲ့ဆန်နဲ့ လူအရေအတွက်နဲ့ မမျှလို့ မရတဲ့လူတွေလည်း အများကြီးရှိတယ်။ မလုံလောက်လို့ ဆန်နို့ဆီတစ်လုံး ၁၀၀ ကျပ်နဲ့ ၀ယ်စားရပါတယ်။ ဒါပေမယ့် အလုအယတ်ပါပဲ။ သောက်ရေလည်း အရမ်းရှားနေတယ်။ သောက်ရေကို ၀ယ်သောက်နေရတဲ့အတွက် ရေကလည်း ဈေးကွတ်စီးပွါးတစ်ခုလို ဖြစ်နေတယ်။
မေး။ အစားအသောက်နဲ့ပတ်သတ်လို့ အခြားအဖွဲ့အစည်းတို့ အန်ဂျီအိုတို့ ကူညီတာ မျိုးတွေရှိလား။
ဖြေ။ ။ ကြံခိုင်ဖွံ့ဖြိုးရေးပါတီက မြို့မအားကစားကွင်းမှာ တဲတွေထိုးပေးပါတယ်။ ကြက် ခြေနီကတော့ ကျန်းမာရေးစောင့်ရှောက်မှုလုပ်ပေးပြီး ရခိုင်အမျိုးသားတိုးတက်ရေးပါတီ ကျောက်ဖြူအတွင်းရေးမှုး ဦးထွန်းအေးဦးဆောင်တဲ့အဖွဲ့က အသံချဲ့စက်တွေနဲ့အလှူခံ ပြီး ထမင်းထုတ်တွေလိုက်ဝေနေတယ်။
မေး။ လူအသေအပျေက်စာရင်းရော ထပ်တိုးလာသေးလား။
ဖြေ။ ။ ကျောက်ဖြူမြို့ ဂျိုင်းစားသောက်ဆိုင်နားက အသက် ၅၀ အရွယ် လူကြီးတစ် ယောက် အအေးမိပြီး ကွယ်လွန်သွားပါတယ်။ မုန်းတိုင်းမတိုက်ခင်ကတည်းက မိုးဆက်တိုက်ရွာနေတာ မနေ့ကပဲ မိုးတိတ်သွားခဲ့တယ်။ ပြင်ဝန်းရွာမှာ လူ ၃၀ လောက် ပျောက်ဆုံးနေပြီး အလောင်း ၁၀ လောင်းတွေ့ရှိထားတယ်လို့ သိရှိရပါတယ်။ သံတွဲမှ အကူအညီလာတဲ့ EPC ၀န်ထမ်းတစ်ယောက် သေသွားပါတယ်။ မြေပုံမြို့နယ် ရေနီကြီး ရွာမှာ လူတစ်ယောက် သေဆုံးသွားခဲ့တယ်။ အဲဒီဘက်ကိုတော့ နှစ်ခြင်း ခရစ်ယန်အဖွဲ့က အကူအညီပေးဖို့ ဆင်းနေတယ်လို့ သိရတယ်။ င/မန်းရဲကျွန်းတစ်ကျွန်း ရေမြုတ်နေဆဲလို့ သိရပြီး၊ ကျောက်ဖြူမြို့နယ် ပြင်ဝန်းရွာလည်း တစ်ရွာလုံး ရေနစ်မြုတ် သွားတယ်။
မေး။ ။ ဆက်သွယ်ရေးတွေကကော ပုံမှန်အတိုင်းဖြစ်နေပြီလား။
ဖြေ။ ။ ပုံမှန်အတိုင်းတော့ဖြစ်မလာသေးပါဘူး။ CDMA ဖုန်းတွေကတော့တော်တော်များများတော့ ရပါတယ်။ ဒါပေမယ့် ဖြတ်တောက်ခံရတဲ့ဖုန်းတွေလည်းရှိတယ်။ ပြီးရင် အင်တနာနက်လိုင်းလည်း ဖြတ်တောက်ခံထားရတာ နှစ်ရက်ရှိသွားပါပြီး။
မေး။ ။ ကျန်းမာရေးစောင့်ရှောက်မှုအခြေအနေကိုလည်း သိပါရစေ။
ဖြေ။ ။ ကျောက်ဖြူမြို့နယ် ကျန်းမာရေးဌာနမှ ဆရာဝန်နှစ်ဦးသာ မြို့ပေါ်ရှိဆေးရုံကြီးမှာ ကျန်ခဲ့ပြီး အခြားကျန်းမာရေးဝန်ထမ်းတွေအားလုံး နယ်ကိုအရေးပေါ်ဆင်းနေရပါတယ်။
လက်ရှိအရေးတစ်ကြီးလိုအပ်နေတဲ့ ပစ္စည်းတွေကတော့ ဆန်၊ အစားသောက်နဲ့ ခြင်ထောင်တို့ဖြစ်တယ်လို့ အဲဒီဒေသခံက ပြေပြသွားပါတယ်။
မြေပုံမြို့နယ် အခြေအနေကို ဆက်လက်စုံစမ်းနေပါသည်။
* ** <<<နောက်ဆုံးရသတင်း>>>ဂီရိဒုက္ခသည်များ ထပ်မံတိုးပွါး၊ အကူအညီများ အကြီးအကျယ်လိုအပ် ကျောက်ဖြူ အောက်တိုဘာ ၂၆၊ ၂၀၁၀ (၇း ၂၃ မိနစ်အချိန်မှမေးမြန်းချက်) CLICK HERE----ရခိုင်ပြည် ဂီရိမုန်တိ်ိုင်းလေဘေးဒုက္ခသည်များကူညီထောက်ပံ့ ရေးကော်မတီ ( ထိုင်းနိုင်ငံ) နှင့် အင်တာဗျူး (CLICK HERE) ***
ဂီရိမုန်တိုင်း ဓာတ်ပုံများစုစည်းမှု
* ** မုန်းတိုင်းနှင့်ပတ်သက်သမျှ သတင်းအချက်အလက်၊ ဓာတ်ပုံတွေကို ရသမျှစုစည်းတင်ပြသွားပါမယ့်။ လေဘေးသင့် ရခိုင်ပြည်သူတို့အား သနားစာနာ ကူညီချင်သည်ဖြစ်စေ၊ သတင်းဓာတ်ပုံနှင့်တို့ကို ပို့ပေးချင်သည်ဖြစ်စေ ဒီနေရာမှာ ဖော်ပြထားသော ပြန်ကြားရေဌာနမှတာဝန်ခံတွေကို ဆက်သွယ်မေးမြန်းပို့ပေးနိုင်ပါတယ်။ ကျေးဇူးတင်ပါတယ်။ ***
ဂီရိဒုက္ခသည်များ ထပ်မံတိုးပွါး၊ အကူအညီများ အကြီးအကျယ်လိုအပ်
Posted by
ကျောက်ဖြူသားချေ
Tuesday, 26 October 2010
Powered by Blogger.
Posts
0 Responses to ဂီရိဒုက္ခသည်များ ထပ်မံတိုးပွါး၊ အကူအညီများ အကြီးအကျယ်လိုအပ်