မြန်မာနိုင်ငံ အနောက်ပိုင်းမှာ Giri ဆိုင်ကလုန်း မုန်တိုင်း တိုက်ခတ်ခဲ့ ပြီးတဲ့နောက် အမေရိကန် အစိုးရက မြန်မာပြည်ကို ကယ်ဆယ်ရေး အကူအညီတွေ ထောက်ပံ့ ပေးမယ်လို့ နိုင်ငံခြားရေး ဝန်ကြီး ဟီလာရီ ကလင်တန်က အဂါနေ့တုန်းက ပြောကြား လိုက်ပါတယ်။
ဒါ့အပြင် မုန်တိုင်းကြောင့် အသက်ဆုံးရှုံးမှုတွေနဲ့ အပျက်အဆီးတွေ အတွက် ဝမ်းနည်းကြောင်းလည်း ဆိုသွားခဲ့ပါတယ်။Giri မုန်တိုင်းကြောင့် လူ၂၇ယောက် သေဆုံးခဲ့ပြီး အိမ်ခြေ အဆောက်အဦပေါင်း များစွာ ပျက်ဆီးခဲ့ပါတယ်။
အရေးပေါ် ကယ်ဆယ်ရေး အကူအညီတွေကို ရန်ကုန်မှာရှိတဲ့ အမေရိကန်သံရုံးက ထောက်ပံ့ပေးခဲ့ပြီး နောက်ထပ် လိုအပ်ရင် အကူအညီတွေ ထပ်ပေးသွားဦးမှာ ဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။
မုန်တိုင်းသင့် ပြည်သူတွေကို ကူညီရေးအတွက် အမြဲကြိုးစားနေပြီး ကောင်းမွန်တဲ့ အနာဂတ်တွေ ဖြစ်လာဖို့ ဆုတောင်းပေး နေပါတယ်လို့ မစ္စက် ကလင်တန်က ပြောကြောင်း အေအက်ဖ်ပီသတင်းမှာ ရေးသားထားပါတယ်။
မစ္စက် ကလင်တန်ဟာ မကြာခင် ရက်ပိုင်းအတွင်း ဗီယက်နမ် ၊ ကမ္ဘောဒီးယားနဲ့ မလေးရှားကို သွားရောက်မှာ ဖြစ်ပါတယ်။
http://www.bbc.co.uk/burmese/burma/2010/10/101026_geriaid.shtml
0 Responses to အမေရိကန်က မြန်မာကို ကယ်ဆယ်ရေး အကူအညီ ပေးမယ်