ဂီရိဆိုင်ကလုန်းကြောင့် ရခိုင်ပြည်နယ်အတွင်း လူသေပျောက်မှုနှင့် အပျက်အစီးစာရင်းများ ပိုမိုတိုးမြှင့်လာပြီ ဖြစ်သည်။

ရခိုင်ပြည်နယ် စစ်တွေနှင့် ကျောက်ဖြူအကြားမှ

ကုန်းတွင်းပိုင်းအထိ ဖြတ်သန်း တိုက်ခတ်ခဲ့သော ဂီရိဆိုင်ကလုံး မုန်တိုင်းကြောင့် လူတဦးသေဆုံးခဲ့ကြောင်း ကုလသမဂ္ဂ လူသားချင်းစာနာမှုဆိုင်ရာ အကူအညီပေးရေး ကွပ်ကွဲမှုရုံး(UN OCHA) က ယမန်နေ့က ဖော်ပြခဲ့ပြီး မြန်မာနိုင်ငံ ကြက်ခြေနီအသင်း၏ ယနေ့ ရရှိထားသော စာရင်းအရ သေဆုံးသူ ၁၆ ဦးရှိနေကြောင်း သိရသည်။

ဧရာဝတီသို့ ရောက်ရှိလာသော စာရင်းတခုတွင် မြေပုံမြို့နယ်အတွင်းရှိ ရွာ ၇ ရွာမှ သေဆုံးသူ ၂၆ ဦးအထိ ရှိနေပြီဖြစ်ကြောင်း ဖော်ပြထားသည်။

“အခုချိန်ထိတော့ ကျနော်တို့ စာရင်းတွေ ကောက်ယူနေဆဲပဲ ၊ ဘယ်ရွေ့ဘယ်မျှဆိုတာတော့ ပြောနိုင်ဖို့ စောနေပါသေးတယ် ၊ သွားလာရေးကလည်း ခက်ခဲနေတာကိုး ၊ နယ်က ကျေးရွာတွေမှာ ပိုထိမယ်ထင်တယ်လေ ၊ သူတို့က မုန်တိုင်းသတိပေးချက် ရဖို့ ခဲယဉ်းတာကိုး ၊ နာဂစ်တုန်းက တရွာကို လူပေါင်းရာကျော် သေဆုံးခဲ့တာမျိုး ရှိတယ်လေ ၊ အခုလည်း အဲဒီလောက်မများတောင် ရွာလုံးကျွတ်ပါတဲ့ ကမ်းစပ်က ရွာတွေမှာ ဆယ်ဂဏန်းလောက်တော့ ရှိနိုင်မယ်လေ"ဟု ဂီရိ လေဘေး ကယ်ဆယ်ရေး ဆောင်ရွက် နေသည့် မင်္ဂလာမြန်မာအဖွဲ့မှ ဒေါက်တာဖုန်းဝင်းက ပြောသည်။

ကယ်ဆယ်ရေးနှင့်ထောက်ပံ့ရေး ဆောင်ရွက်ပေးနေသော ရန်ကုန်အခြေစိုက် UN OCHA အကြီးအကဲ Thierry ကလည်း မြေပုံ ၊ ကျောက်ဖြူ ၊ ပေါက်တောနှင့် မင်းပြားမြို့နယ်များတွင် ပျက်စီးဆုံးရှုံးမှု များခဲ့ကြောင်း ၊ စာရင်းကောက်ယူနေဆဲ ဖြစ်ကြောင်း ၊ မန္တလေး ၊ မကွေးနှင့်စစ်ကိုင်းတိုင်းမှ ပျက်စီးမှု အခြေအနေများကိုလည်း စုဆောင်းနေဆဲဖြစ်ကြောင်း ပြောသည်။

ဂီရိဆိုင်ကလုန်းမုန်တိုင်းသည် ဘင်္ဂလားပင်လယ်အော် အရှေ့တောင်ဘက်တွင် အောက်တိုဘာ ၁၇ ရက်ကပင် လေဖိအားနည်း ရပ်ဝန်း အသွင်ဖြင့် ရှိနေခဲ့ပြီး ၂၂ ရက်နေ့တွင် ရခိုင်ပြည်နယ် စစ်တွေနှင့် ကျောက်ဖြူမြို့ အကြားမှ တနာရီ မိုင် ၁၀၀ကျော်နှုန်းဖြင့် ၀င်ရောက်တိုက်ခတ်ခဲ့ခြင်း ဖြစ်ကြောင်း အောက်တိုဘာ၂၃ ရက်ထုတ် စစ်အစိုးရ သတင်းစာများတွင် ဖော်ပြသည်။

ယနေ့ထုတ် စစ်အစိုးရ သတင်းစာများတွင် မုန်တိုင်းကြောင့် ပျက်စီးဆုံးရှုံးမှုစာရင်းကို ထုတ်ပြန်နိုင်ခြင်း မရှိသေးဘဲ ၊ ပို့ဆောင်ရေးဝန်ကြီး ၊ ကယ်ဆယ်ရေးနှင့်ပြန်လည်နေရာချထားရေးဝန်ကြီးတို့က ကျောက်ဖြူ မြို့ပေါ်ရှိ ရပ်ကွက်များတွင် ထောက်ပံ့ပစ္စည်းများ ပေးအပ်သည်ဟုသာ ဖော်ပြထားသည်။

နအဖ ဥက္ကဌ ဗိုလ်ချုပ်မှူးကြီးသန်းရွှေကမူ ရန်ကုန် အေးရှားဝေါလ် ဆိပ်ကမ်းကို ကြည့်ရှုစစ်ဆေးနေပြီး ၀န်ကြီးချုပ် ဦးသိန်းစိန် ကလည်း ကုလသမဂ္ဂ အခမ်းအနားသို့ တက်ရောက်နေသည်။

၂၀၀၈ နာဂစ်ဖြစ်ပြီးချိန်ကလည်း ဗိုလ်ချုပ်မှူးကြီး သန်းရွှေ ချက်ချင်းသွားရောက်ခြင်းမရှိသဖြင့် ဝေဖန်မှုများ ခံခဲ့ရသည်။

http://www.irrawaddy.org/bur/index.php/news/1-news/4374-2010-10-25-09-01-17