မိုးမခ အထောက်တော်၊ ရန်ကုန်
အောက်တိုဘာ ၂၆၊ ၂၀၁၀
အောက်တိုဘာ ၂၂၊ ၂၃ ရက်နေ့များမှာ ရခိုင်ကမ်းရိုးတန်းသို့ ၀င်ရောက်ခဲ့တဲ့ အားအလွန်ကောင်းတဲ့ ဆိုင်ကလုန်းမုန်တိုင်းကြောင့် သေဆုံးရတဲ့ အရေအတွက်နဲ့ ပျက်စီးမှု စာရင်းတွေကို မြန်မာစစ်အစိုးရ ရုပ်သံနဲ့ ယနေ့ထုတ် အစိုးရသတင်းစာများမှာ ဖေါ်ပြထားပါတယ်။
ဘင်္ဂလားပင်လယ်အော်မှာ စတင်ဖြစ်ပေါ်ခဲ့ပြီး ၂ ရက်အကြာမှာ မြန်မာနိုင်ငံ အနောက်ဖက်ကမ်းရိုးတန်း ရခိုင်ပြည်နယ်ကို ပြီးခဲ့တဲ့ သီတင်းပတ်ကုန်မှာ ဖြတ်ကျော်ဝင်ရောက်ခဲ့တဲ့ ဆိုက်ကလုန်း မုန်တိုင်း ဂီရိကြောင့် လူ၂၇ ဦးသေဆုံးပြီး ၁၅ ယောက်ပျောက်ဆုံးနေတယ်လို့ မြန်မာစစ်အစိုးရပိုင် ရုပ်သံနဲ့ သတင်းစာများမှာ ထုတ်ပြန် ကြေညာခဲ့ပါတယ်။
အသေအပျောက် အများဆုံးက မြေပုံမြို့မှာ ဖြစ်ပြီး ၂၂ဦးသေဆုံးကာ ၁၅ ဦးပျောက်နေတာလို့ ကြေညာချက်မှာပါပြီး မင်းပြားမြို့မှာတော့ ၅ ဦးသေဆုံးတယ်လို့ဆိုပါတယ်။ ပျက်စီးမှုအနေနဲ့ကတော့ မြေပုံမြို့မှာ အိမ်ခြေ ၂ထောင်ကျော်၊ မင်းပြားမှာ အိမ်ခြေ ၆ ရာနီးပါးနဲ့ ကျောက်ဖြူမြို့မှာတော့ အိမ်ခြေ ၁ ထောင်ကျော်ပျက်စီးခဲ့တယ်လို့ ပါရှိပါတယ်။
လူနေအိမ်များ ပျက်စီးတဲ့အပြင် အစိုးရ ဌာနဆိုင်ရာ ရုံးများ၊ ဘုန်းတော်ကြီးကျောင်းများ၊ စာသင်ကျောင်းများပါဝင်တဲ့ အပြင် စက်လှေ အစင်း ၈၀ ပျက်စီးခဲ့ပြီး တံတားအချို့လည်းပျက်စီးခဲ့ရတယ် လို့ဆိုပါတယ်။
ယခုမုန်တိုင်းဟာ ၂၀၀၈ ခု မေလမှာ တိုက်ခတ်ခဲ့တဲ့ နာဂစ် နောက်ပိုင်း အပြင်းထန်ဆုံးနဲ့ ပျက်စီးမှု အများဆုံး ဖြစ်ပေါ်စေတဲ့ မုန်တိုင်းဖြစ်ပါတယ်။ စစ်အစိုးရရဲ့ ခေါင်းဆောင် ဗိုလ်ချုပ်မှူးကြီး သန်းရွှေဟာ မကြာမီ ရက်ပိုင်းကတည်းက ရန်ကုန်မြို့သို့ ရောက်ရှိနေပြီး ယမန်နေ့က ဧရာဝတီတိုင်း ဒေးဒရဲနဲ့ ဘိုကလေးမြို့နယ်များသို့ သွားရောက် ကြည့်ရှုနေပေမယ့် မုန်တိုင်းဒဏ်ခံရတဲ့ ရခိုင်ပြည်နယ် ဆီသွားရောက်တာတော့ မတွေ့ရသေးပါဘူး။
http://moemaka.com/index.php?option=com_content&task=view&id=7489&Itemid=1
Posts
0 Responses to ဂီရိ ဆိုင်ကလုံးမုန်တိုင်းကြောင့် သေဆုံးပျက်စီးမှုကို အစိုးရထုတ်ပြန်ကြေညာ