ရခိုင်ပြည်နယ် ကျောက်ဖြူမြို့အနီး ပြီးခဲ့သည့်အောက်တိုဘာ (၂၂) ရက်၌ တိုက်ခတ်ခဲ့သော ဆိုင်ကလုန်းဂီရိကြောင့် လူအသေအပျောက်များပြီး မြို့နယ် (၅) မြို့နယ်တွင် ပျက်စီးဆုံးရှုံးမှု မြောက်များစွာ ဖြစ်ပေါ်ခဲ့သည့်အတွက် လာမည့် ရွေးကောက်ပွဲကိုပင် ထိခိုက်နိုင်စရာရှိကြောင်း ရခိုင်တိုးတက်ရေးပါတီမှ တာဝန်ရှိသူတဦးက ပြောကြားသည်။

၎င်းက “ကျနော်တို့ ရွေးကောက်ပွဲဝင်မယ့် (၁၇) မြို့နယ်မှာ (၅) မြို့နယ်က ဆိုးဆိုးရွားရွား ထိခိုက်သွားတယ်။ ကျနော်တို့ လောလောဆယ် ရထားတဲ့ စာရင်းအရ မြေပုံမြို့နယ်မှာ (၃၄) ဦး၊ ကျောက်ဖြူမှာ (၁) ဦး၊ ကျောက်ဖြူနဲ့ မျက်နှာချင်းဆိုင် ကျွန်းသာယာမှာ (၉) ဦး၊ ပေါက်တောမှာ (၁ဝ) ဦး ရှိတယ်။ အားလုံးစာရင်းတွေ တက်လာရင် လူပေါင်း ရာကျော် သေနိုင်တယ်လို့ ခန့်မှန်းတယ်။ အပျက်အစီးလည်း များတယ်။ မြေပုံမှာဆိုရင် မြို့ (၉ဝ) ရာခိုင်နှုန်းလောက် ပျက်စီးသွားတယ်။ အခု ကျနော်တို့လည်း ရွေးကောက်ပွဲ မဲဆွယ်စည်းရုံးရေး လုပ်တာကို ရပ်ထားပြီး အဲဒီ မုန်တိုင်းဘေး ကယ်ဆယ်ရေး လုပ်ငန်းတွေ လုပ်နေရတယ်။ ဒီနေရာတွေမှာ ရွေးကောက်ပွဲ လုပ်မလား၊ မလုပ်ဘူးလား မသိနိုင်သေးဘူး။ ကျနော်တို့ ပြည်သူတွေတော့ အတော် ထိခိုက်သွားတယ်” ဟု ပြောသည်။

ဂီရိမုန်တိုင်းကြောင့် လူများသည် ဘုန်းတော်ကြီးကျောင်းများ စာသင်ကျောင်းများသို့ သွားရောက်ခိုအောင်းနေသော်လည်း အဆိုပါ ဘုန်းတော်ကြီးကျောင်း၊ စာသင်ကျောင်းများပင် ရေထဲ ပါသွားကြောင်း၊ မြေပုံဘက်တွင် ရေ (၈) ပေ၊ (၁ဝ) ပေ ကျော်အထိ တက်ကြောင်း၊ ရွာလုံးကျွတ် ပျက်စီးဆုံးရှုံးမှုများ ရှိသော်လည်း ကယ်ဆယ်ရေးအနေနှင့် တရွာ ဆန် (၅) အိတ်လောက်သာ ရရှိသေးကြောင်း ရခိုင်တိုးတက်ရေးပါတီမှ တာဝန်ရှိသူတဦးက ပြောကြားသည်။

ယခု ရရှိသည့် စာရင်းများသည် မြေပုံ၊ ကျောက်ဖြူ၊ ပေါက်တောဘက်မှ စာရင်းအချို့သာ ဖြစ်ပြီး မင်းပြားနှင့် အမ်းမြို့နယ်များဘက်မှ အခြေအနေများကိုမူ မသိရှိသေးကြောင်း ၎င်းက ပြောသည်။

အဆိုပါ ပါတီနှင့် မြို့ခံများက လေမုန်တိုင်းဒဏ်ကြောင့် အသေအပျောက် အပျက်အစီး များပြားကြောင်း ပြောဆိုနေကြသော်လည်း စစ်အစိုးရပိုင် သတင်းစာများကမူ သေဆုံးစာရင်း၊ ပျောက်ဆုံးစာရင်းများ လုံးဝ ထုတ်ပြန်ခြင်း မပြုသေးပေ။

ပြည်တွင်းဂျာနယ်အယ်ဒီတာ တဦးက ရခိုင် ဆိုင်ကလုံးမုန်တိုင်းဘေး အသေအပျောက် စာရင်းနှင့် ပျက်စီးမှုများအား စာပေစိစစ်ရေးထံ တင်ပြသော်လည်း စာပေစိစစ်ရေးက သတင်းစာတွင် အဆိုပါ အချက်အလက်များ မပါ၍ ဟုဆိုကာ အားလုံးကို ပယ်လိုက်ကြောင်း ရှင်းပြသည်။

ရန်ကုန်မြို့ အခြေစိုက် ကုလသမဂ္ဂ အဖွဲ့အစည်းများနှင့် အန်ဂျီအို အဖွဲ့အစည်းများက အဆိုပါ မုန်တိုင်းသင့် ဒေသများသို့ သွားရောက်ရန် ပြင်ဆင်နေကြပြီး ၎င်းတို့ ရောက်ရှိပါက သတင်းအမှန် သိနိုင်သော်လည်း စစ်အစိုးရက သွားခွင့်ပြုမပြုကိုမူ မသိရှိရသေးပေ။

http://www.khitpyaing.org/index.php?route=detail&id=5107