နယူးဒေလီ (မဇ္ဈိမ)။      ။ ဂီရိမုန်တိုင်းဒဏ်ကို လွန်ခဲ့သည့် တပတ်ခန့်က အဆိုးရွားဆုံး ခံခဲ့ရသည့် ရခိုင်ပြည်နယ် မြေပုံနှင့် ပေါက်တော မြို့နယ်များတွင် ကူညီထောက်ပံ့မှုများ လိုအပ်နေကြောင်း ဒေသခံများက ပြောသည်။

ယခုလ ၂၂ ရက်နေ့တွင် တနာရီလျှင် မိုင် ၁ဝဝ ခန့် လေတိုက်နှုန်းရှိ ဂီရိ ဆိုင်ကလုန်း မုန်တိုင်းကြောင့် ယခု ၂ မြို့နယ်တွင် နေထိုင်ကြသည့် ဒေသခံများသည် ၎င်းတို့ အားထားလုပ်ကိုင်သည့် လယ်ယာနှင့် ရေလုပ်ငန်း အများအပြား လက်လွှတ်ဆုံးရှုံးခဲ့ကြရသည်။

မုန်တိုင်းကြောင့် ပျက်စီးဆုံးရှုံးခဲ့ရမှုများ၊ အာဏာပိုင်များနှင့် အလှူရှင်များ အကူအညီပေးအပ်မှု၊ လက်ရှိ ကျန်းမာရေးနှင့် ပြန်လည်တည်ဆောက်ရေး အခြေအနေ၊ စားနပ်ရိက္ခာ လိုအပ်ချက်နှင့် ရွေးကောက်ပွဲအပေါ် အမြင်များကို သိရှိနိုင်ရန် ဒေသခံအချို့ထံ ဆက်သွယ်မေးမြန်းထားသည်ကို တင်ပြလိုက်ပါသည်။

---

ငါးပသုန် ကျေးရွာသူ (မြေပုံမြို့နယ်)

မုန်တိုင်းတိုက်ပြီးနောက် လက်ရှိ အခြေအနေကို ပြောပြပါ။

“မုန်တိုင်းတိုက်ပြီးကတည်းက အမှိုက်တွေက ရှင်းမရသေးပါဘူး။ အိပ်ပြိုသွားတဲ့ သူတွေမှာ အိမ်ကို ပြန်ဆောက်ဖို့ နေနေသာသာ ရှင်းလို့တောင် မပြီးနိုင်သေးပါ။ ကျမတို့အိမ်က အမြင့်ပိုင်းမှာ ရှိတာတောင် အုန်းပင်ပိ ပျက်သွားတယ်။ အခုထိ အပင်တွေ၊ အခက်တွေ၊ ပင်လယ်ရေနဲ့ ပါလာတဲ့ အမှိုက်တွေ ရှင်းလို့ မပြီးသေးပါ”

အိမ်ပျက်သွားတဲ့ လူတွေက ဘယ်လိုနေလဲ။

“စာသင်ကျောင်းရဲ့ အမိုးအကာရှိတဲ့ နေရာမှာ၊ နောက်ပြီး အကုန်လုံး ပျက်မသွားတဲ့ အိမ်တွေရဲ့အောက်မှာ နေကြပါတယ်။ အိမ်အလုံးလိုက် ပါသွားတာက ၂၅၃ အိမ် ရှိပါတယ်။ စုစုပေါင်းက ၈ဝဝ ကျော် ရှိတယ်။ တရွာလုံးက အိမ်တွေ၊ ကျောင်းတွေကတော့ အမိုးလန်၊ ထရံကွာ ဖြစ်သွားပါတယ်။ ရွာဦး စေတီလည်း ၂ ခြမ်း ခြမ်းသွားတယ်”

ဝမ်းရောဂါဖြစ်တယ်လို့ ကြားမိတယ်။

“ဝမ်းရောဂါတော့ မဖြစ်ကြဘူး။ နည်းနည်းပါးပါး နေမကောင်းတာလောက်ပဲ ရှိတယ်။ အခုတော့ ရွာမှာ မြို့က ဆေးခန်းနဲ့ ဆရာဝန် ရှိတယ်။ အလကားပြလို့ ရတယ်”

မုန်တိုင်းတိုက်တုန်းက ဘယ်မှာ သွားနေလဲ။

“ဘုန်းကြီးကျောင်းမှာ သွားနေပါတယ်။ ဘုန်းကြီးကျောင်းမှာလည်း အမိုးတွေ လန်ထွက်သွားတော့ မိုးစိုပြီး တော်တော် ဒုက္ခရောက်ခဲ့ပါတယ်။ ကလေးလေးတွေဆို သနားဖို့ တအားကောင်းပါတယ်”

အမတို့ အိမ်က ဘယ်လို ဖြစ်သွားလဲ။

“ကျမတို့  အိမ်က ကုန်းမြင့်ပိုင်းဖြစ်တော့ ခေါင်မိုးတွေ ပါသွားတယ်။ အိမ်မကြီးနဲ့ ပစ္စည်းတချို့တော့ ကျန်ခဲ့တယ်။ ကျမ အန်တီတို့ကတော့ အိမ်တလုံးနဲ့ ပစ္စည်းတွေ အားလုံး ပါသွားတယ်။ သူတို့ကတော့ ကျမတို့ အိမ်အောက်မှာ လာနေတယ်။ ကျမ ၂၅ နှစ် ရှိပြီ၊ တခါမှ ဒီလို မကြုံဖူးသေးဘူး”

လူ အသေအပျောက်ရော။

“ကျမတို့ ရွာမှာတော့ သေတာမရှိသေးဘူး။ ရွာကနေပြီး တခြား ကျွန်းရွာတွေမှာ သွားလုပ်နေတဲ့ သူတွေဆီကတော့ လောလောဆယ် ဘာသတင်းမှ မကြားရသေးဘူး။ ဘေးနားက ရွာတွေမှာတော့ သေတယ်လို့ ပြောသံကြားတယ်။ ကျမတို့ ရွာမှာ လာပြီး လုပ်နေကြတဲ့ သူတွေတော့ မသိဘူး။ ကျမတို့ ဘေးနားမှာဆို ကျွန်းသာယာ၊ ပြင်ဝန်း၊ ကုက္ကိုတို့ ရှိတယ်။ ပြင်ဝန်းမှာဆို အရမ်းကြီး ပျက်စီးသွားတယ်တဲ့”

လောလောဆယ် ဘယ်လို စားသောက်နေရလဲ။

“ရွာက ပြောင်းသွားတဲ့၊ ပိုက်ဆံရှိတဲ့ လူတွေက ဆန်လာလှူကြတယ်။ အဲဒါကို လူကြီးဆီမှာ  တသိုက်ဆို တသိုက် (နို့ဆီဗူး ၄ လုံး)  အဲဒီလိုမျိုး ထုတ်ပြီး စားကြပါတယ်။ အခုလောလောဆယ်တော့ စားဖို့ မပူရဘူးပေါ့။ အလှူရှင်တွေ ရှိနေလို့ ရေရှည်မှာ ဘယ်လိုဖြစ်လာမလဲ မသိဘူး။ အဓိက ကျတဲ့ လှေ၊ ဘုတ်တို့ မရှိတော့ဘူးလေ။ ပြန်ဆောက်ဖို့ သစ်တွေကလည်း မရှိတော့ဘူး”

ငါးပသုန်ရွာမှာ ဒေသခံတွေက ဘာအလုပ်တွေ လုပ်ကြလဲ။

“တံငါရွာပါ။ တံငါလုပ်ငန်း လုပ်ကြတယ်။ ပိုက်တွေ၊ လှေတွေ အကုန်ပါသွားတယ်။ အဲဒါကြောင့် အခု အလုပ်မရှိကြတော့ဘူး။ စပါးလည်း နည်းနည်းပါးပါး စိုက်ပါတယ်။ အခုတော့ ရေတက်ပြီး စပါးတွေလည်း ပါသွားတယ်။ ကျမတို့ဆီမှာက ဆားငန်ရေ မဝင်အောင် ချောင်းကို ဆည်ပြီး လယ်လုပ်ပါတယ်”

နိုဝင်ဘာ ရွေးကောက်ပွဲကိုရော အခုချိန်မှာ ဘယ်လိုသဘောထားလဲ။

“အဲဒါကို ခေါင်းထဲ မထည့်နိုင်ဘူး။ ကိုယ့်အလုပ်နဲ့ကိုယ် ရှုပ်နေပါတယ်။ သူများတွေလည်း မပြောကြဘူး။ ခြံဝန်းတွေလည်း ရှာမရသေးဘူး အမှိုက်တွေနဲ့ ပြည့်နေလို့။ ရှင်းလင်းပြီး နေရာတကျ ဖြစ်ဖို့တောင် တလ၊ ၂ လလောက် ကြာဦးမယ်။ ဆင်းရဲတဲ့ သူတွေဆို လှေတွေလည်း မရှိတော့ဘူး။ အိမ်ဆောက်ဖို့ သစ်တွေလည်း မရှိတော့ဘူး။ တခြားရွာတွေမှာဆို သောက်ရေကန်ထဲ ရေငန်ဝင်သွားလို့ ရေတောင် မသောက်ရပါ။ ကျမတို့ ရွာမှ ရေချိုရတဲ့ အုတ်တွင်းတွေ ရှိလို့ ရေမငတ်ပါ”

---

ကျွန်းသာယာ ကျေးရွာသား (မြေပုံမြို့နယ်)

ရွာမှာ အပျက်အစီး  ဘယ်လို ရှိလဲ။

“ကျနော်တို့ ရွာမှာ တော်တော်တော့ ပျက်စီးသွားတယ်။ အခြေအနေ တော်တော်ဆိုးတယ်။ အိမ်ခြေ ၅ဝဝ လောက် ရှိတယ်။ ၄ဝဝ လောက်ကတော့ တော်တော်ကို ပျက်စီးသွားတယ်။ အိမ်းအားလုံးကတော့ ပျက်တာပဲ။ အမှိုက်တွေကို ရှင်းလို့ မပြီးနိုင်သေးဘူး”

လေဘေးဒုက္ခသည်တွေ ဘယ်လိုနေကြလဲ။

“ကယ်ဆယ်ရေစခန်းတွေမှာ နေတယ်။ တချို့တော့ စာသင်ကျောင်းက လုံခြုံတဲ့နေရာမှာ နေတယ်။ တချို့ကတော့ ကိုယ်ခြံဝန်းထဲမှာ တင်းကုတ်လေးတွေ ထိုးပြီး နေတယ်”

လောလောဆယ် ဘယ်လို စားသောက်ကြလဲ။

“စားစရာ ဆန်ဆားတွေအကုန် ရေထဲမျောကုန်တော့ အလှူရှင်တွေ လာပေးတာနဲ့ စားနေရတယ်။ လာလှူတဲ့ ဆန်တွေကို ရွာက ဌာနဆိုင်ရာ လူကြီးနဲ့ တပ်က သိမ်းထားတယ်။ တနေ့စာ တနေ့ သွားထုတ်စားရတယ်။ ကျွန်းသာယာမှာ တပ်ရှိတယ်။ စစ်တွေက ခလရ ၂၇ဝ ရှိတယ်။ သူတို့ ဆီက နို့ဆီဗူး ၁ဝ လုံးစီ၊ ၂ ခါ ပေးပြီ”

ရွာသားတွေက ဘာလုပ်စားကြတာလဲ။

“အရင်ကတော့ ရေလုပ်ငန်း လုပ်ကြတယ်။  မုန်တိုင်း တိုက်တော့ လှေအစီး ၂ဝ လောက်၊ နောက်ပိုက်ကွန်တွေ ပါသွားတယ်။ ခုတော့ လုပ်စရာ မရှိတော့ဘူး”

ကျန်းမာရေး အခြေအနေ ဘယ်လို ရှိလဲ။

“နည်းနည်းပါးပါး နေမကောင်းဖြစ်တာပဲ ရှိတယ်။ ကျောက်ဖြူက ဆရာဝန်တွေ ရောက်လို့ ရှိတယ်။ အလကား သွားပြလို့ ရတယ်။ လောလောဆယ်တော့ ဝမ်းရောဂါ မဖြစ်သေးဘူး”

သက်ဆိုင်ရာက  ဘာတွေ လုပ်ပေးမယ်လို့ ပြောလဲ။

“ဘာတွေ ပျက်စီးသွားလဲ၊ ဘာတွေ ပါသွားလဲဆိုပြီး စာရင်းတော့ ယူတယ်။ သူတို့ ပြန်လုပ်ကိုင်စားသောက်ဖို့ ပေးမယ်လို့တော့ ပြောတယ်။ နောက်တော့ ပေးမယ်၊ မပေးဘူး မသိဘူး”

နိုဝင်ဘာ ရွေးကောက်ပွဲအပေါ်ရော ဘယ်လိုသဘောထားလဲ။

“အဲဒါတော့ အခုချိန်မှာ မသိဘူး။ ကျောင်းတွေ၊ အဆောက်အဦးတွေတော့ ပျက်သွားတယ်။ နိုင်ငံတော်က လုပ်လာရင်တော့ မတတ်နိုင်ဘူးနော။ ဘယ်သူမှ ခေါင်းထဲမထည့်ကြဘူး။ ကျနော့်မှာလည်း သိန်းပေါင်း ၄ဝ ကျော်ဖိုး ဆုံးရှုံးသွားတော့ ဘာမှလည်း စိတ်မဝင်စားဘူး။ ကျနော့်မှာ စက်လှေ ၂ စီး၊ ဆားအိတ်တွေနဲ့ အိမ်က ပစ္စည်းတွေ အကုန်ပါသွားတယ်”

---

ငါးရပွက်ကျိုင် ကျေးရွာသူ (ပေါက်တောမြို့နယ်)

အမတို့ ရွာရဲ့ အပျက်အစီး အခြေအနေကို ပြောပြပါ။

“ကျမတို့ရွာမှာ အိမ် ၂၃၅ ကျော် ရှိတာ၊ အားလုံးပျက်စီးတယ်။ စက်လှေ ၂ စီးထဲက ယောက်ကျား ၆ ယောက် သေတယ်။  စက်လှေကို ဘေးလွတ်အောင် တနေရာကို ရွှေ့နေတုန်း ရေထဲ မျောသေတာ။ ဘေးနားက ငါးရွှီကျိုင်မှာတော့ ကလေး ၂ ယောက်နဲ့ မိခင်တဦးက ရေတက်လာတဲ့အခါ ထွက်ပြေးတယ်။ ရေလည်း နစ်၊ အပင်လည်း ပိပြီး သေတာ”

အထောက်အပံ့တွေ ရောက်သလား။

“ရောက်ကြပါတယ်။ ကြံ့ခိုင်ရေး၊ နောက် မြို့ပေါ်က အဖွဲ့စုံ ရောက်ကြတယ်။ ဆန်တွေလည်း ပေးပါတယ်။ မနေ့ကတော့ တိုင်းမှူးနဲ့ ဝန်ကြီးတို့ ပေါက်တောမြို့ကို ရောက်တယ် ပြောတယ်။ ကျမတို့ ရွာကိုတော့ မရောက်ဘူး”

လာမယ့်ရွေးကောက်ပွဲကိုရော။

“ကျင်းပနိုင်ဖို့ အခြေအနေ မရှိပါ။ စိတ်လည်း မဝင်စားပါ”

ဝမ်းရောဂါ ဖြစ်တယ်လို့ ကြားမိတယ်။

“၃ ယောက်လောက်တော့ ဝမ်းလျှောတယ်။ု မသန့်တဲ့ရေ သောက်မိလို့လေ။ သစ်ရွက်တွေပါတဲ့ ရေပေါ့။ အခုတော့ ဆေးသောက်လို့ ကောင်းသွားပြီ။ ဝမ်းရောဂါဖြစ်လို့ သေတာတော့ မရှိသေးဘူး”

ပြန်လည်ထူထောင်ရေးအတွက် အာဏာပိုင်တွေက ဘာလုပ်ပေးမယ် ပြောလဲ။

“မနေ့က ငါးလုပ်ငန်းဦးစီးဌာနက လူတွေတော့ ဘာတွေ ပျက်စီးလဲ၊ ဆုံးရှုံးလဲဆိုပြီးတော့ စာရင်းကောက်တယ်။ ပျက်စီးတာတွေကို အစားပေးမယ်လို့တော့ ပြောတယ်။ ဒီနေ့ မနက်က  ဂျပန်အဖွဲ့က အိမ်ဆောက်ပေးမယ်၊ ပိုက်ဆံလည်း ထုတ်ပေးမယ်လို့တော့ ပြောသွားတယ်”

လေဘေး ဒုက္ခသည်တွေ ဘယ်လိုနေလဲ။

“တဲကလေးတွေ ထိုးပြီး နေကြတယ်။ အမိုးအကာလုပ်ဖို့ အုန်းလက်တွေတောင် မရှိဘူး။ တဲထိုးဖို့ တာလပတ် ပေးတာတွေတော့ ရှိတယ်။ ဒါပေမဲ့ မလောက်ဘူးလေ။ အခုထိ အပင်လဲတာတွေ၊ အိမ်ပြိုတာတွေ အမှိုက်တွေကို ရှင်းလို့လည်း မပြီးသေးဘူး”

အမတို့မှာ ဘာတွေ ပျက်စီးဆုံးရှုံးလဲ။

“ကျမတို့မှာတော့ သိန်း ၁ဝဝ ကျော်ဖိုး ပါသွားတယ်။ စက်လှေ အစီး ၄ဝ ကျော် ရှိတာ၊ ၃ စီးပဲ ကျန်တယ်။ ငါးပိစက်ရုံ၊  နောက် ဗီဒီယိုရုံ၊ နောက် အိမ်နဲ့ အသုံးအဆောင် ပစ္စည်းတွေ အားလုံး ပါသွားတယ်”။

http://www.mizzimaburmese.com/interview/6349-2010-10-28-14-43-17.html