ပြီးခဲ့သည့် ရက်သတ္တပါတ် အတွင်း၌ ဆင်ဖြူတော် ကြိုဆိုရေး အခမ်းအနားကို စစ်အစိုးရက နေပြည်တော်တွင် တခမ်းတနား ကျင်းပခဲ့သည်။ ဗိုလ်ချုပ်မှူးကြီး သန်းရွှေကိုယ်တိုင် အခမ်းအနားသို့ တက်ရောက်၍ ယင်းဆင်ဖြူတော်ကို အစာကျွေးခဲ့သည်။

မြန်မာနိုင်ငံတွင် ယခုအချိန်၌ ဆင်ဖြူ ၅ ကောင် ရှိပြီး အများစုကို ရခိုင်ပြည်နယ်မှ ဖမ်းဆီးရမိခဲ့ခြင်းဖြစ်သည်။ နောက်ဆုံး ဖမ်းမိ သော ဆင်ဖြူတော်သည် ပျော်ရွှင်ချမ်းမြေ့ခြင်း၊ ငြိမ်းချမ်းသာယာခြင်းနှင့် ကံကောင်းခြင်းစသည့် အတိတ်နိမိတ်များကို ယူဆောင် လာသည်ဟု ဗိုလ်ချုပ်ကြီးများက ဆိုသည်။

သိုသော် ရခိုင်ပြည်နယ်ရှိ ပြည်သူများကား ကံမကောင်းလှဘဲ ယခုအခါ ဒုက္ခပင်လယ်ဝေနေကြရသည်။ အစောပိုင်း ခန့်မှန်းချက် များအရ ပြီးခဲ့သည့် သောကြောနေ့တွင် အင်အားပြင်ထန်းစွာ တိုက်ခိုက်ခဲ့သော ဂီရိမုန်တိုင်းကြောင့် ရခိုင်ပြည်နယ်တွင် လူ ၂၆ ဦး သေဆုံးကာ ထောင်နှင့်ချီ၍ အိုးမဲ့အိမ်မဲ့ဖြစ်ခဲ့ရသည်ဟု သိရသည်။

မုန်တိုင်းကြောင့် ရွာပေါင်းများစွာ ပျက်စီးခဲ့ရသည်။ အဆောက်အအုံနှင့် အခြားပျက်စီးဆုံးရှုံးမှု ပမာဏ ကြီးမားလိမ့်မည်ဟုလည်း ခန့်မှန်းရသည်။

ဤနေရာ၌ မေးခွန်းမေးစရာရှိလာသည်။ နိုင်ငံတွင် သဘာဝဘေးအန္တရာယ်နှင့် ကြုံရတိုင်း စစ်အစိုးရက သတင်းမီဒီယာများအပေါ် အကန့်အသတ် ကြီးစွာထားရှိတတ်သောကြောင့် ရခိုင်ပြည်နယ်မုန်တိုင်းနှင့်ပတ်သက်၍ ပြည်သူများ သတင်းအချက်အလက်အမှန် သိနိုင်ပါ့မလား ဟူ၍ ဖြစ်သည်။

ဆိုင်ကလုန်း ဂီရိသည် မြန်မာနိုင်ငံတွင် ရွေးကောက်ပွဲကျင်းပရန် ၁၆ ရက်အလို၌ ရခိုင်ကမ်းရိုးတန်းသို့ တိုက်ခိုက်ခဲ့ခြင်းဖြစ်သည်။

အတိတ်ကာလဖြစ်ရပ်များကဲ့သို့ပင် စစ်အစိုးရအရာရှိများက မုန်တိုင်းသင့်ခံခဲ့ရသူများအရေးအတွက် မည်သို့မည်ပုံ ဆောင်ရွက် ပေးရမည်ကိုစဉ်းစားနေချိန်တွင် သံဃာတော်များ၊ ကျောင်းသားများနှင့် ပုဂ္ဂလိက အလှူရှင်များက ဒေသခံပြည်သူများကို အကူ အညီပေးကြလိမ့်မည်။

ယခုအချိန်အထိ ကယ်ဆယ်ရေးလုပ်ငန်းများကို စစ်အစိုးရအာဏာပိုင်များက ဦးစီးဦးရွက် ဆောင်ရွက်ပေးနေခြင်း၊ ကယ်ဆယ်ရေး လုပ်ငန်းများတွင် ပါဝင်နေခြင်းဟူသော သတင်း တခွန်းတပါဒမျှ ထွက်မလာသေးပေ။

မုန်တိုင်းတိုက်ပြီး နှစ်ရက်အကြာ တနင်္ဂနွေနေ့၌ ၆၅ နှစ်မြောက် ကမ္ဘာ့ကုလသမဂ္ဂဖွဲ့စည်းတည်ထောင်ခြင်း အထိမ်းအမှတ် နေ့ အခမ်းအနားကို နေပြည်တော်ရှိ နိုင်ငံတကာ ကွန်ဗင်းရှင်း စင်တာတွင် ကျင်းပခဲ့သည်။

ထိုအခမ်းအနားတွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီ၏ ခေါင်းဆောင် စစ်အစိုးရ ၀န်ကြီးချုပ် ဦးသိန်းစိန်က ၂၀၀၈ ခုနှစ် အောက်မြန်မာပြည်တွင် တိုက်ခတ်ခဲ့သည့် နာဂစ်မုန်တိုင်းအကြောင်း ထည့်သွင်းပြောကြားသွားခဲ့သည်။

“နာဂစ်မုန်တိုင်းတိုက်ခိုက်ခံရပြီးတဲ့နောက် ကမ္ဘာ့ကုလသမဂ္ဂ၊ အာဆီယံနဲ့ နိုင်ငံတကာအသိုင်းအ၀န်းရဲ့ အကူအညီတွေနဲ့ အရေး ပေါ် အခြေအနေကို ကျနော်တို့ ကျော်လွှားနိုင်ခဲ့ပြီဖြစ်ပါတယ်။ ဒါ့ပြင် မုန်တိုင်းသင့်ဒေသတွေမှာလည်း ပြန်လည် တည်ဆောက်ရေး လုပ်ငန်းတွေကို အောင်အောင်မြင်မြင်နဲ့ ဆောင်ရွက်နိုင်ခဲ့ပြီးဖြစ်ပါတယ်”ဟု ၎င်းက ဆိုသည်။

သို့ရာတွင် ဂီရိမုန်တိုင်းနှင့်ပတ်သက်၍မူ မုန်တိုင်းကြောင့် အသက်ဆုံးရှုံးမှု မည်မျှရှိသည်၊ မည်မျှထိခိုက်ဆုံးရှုံးမှုရှိသည်၊ အစိုးရက ကယ်ဆယ်ရေးလုပ်ငန်းများ မည်သို့ ဆောင်ရွက်ပေးမည် စသည်ဖြင့် တစုံတရာ ပြောဆိုခြင်းမရှိခဲ့။

ရန်ကုန်အခြေစိုက် ကုလသမဂ္ဂ ဌာနေကိုယ်စားလှယ်နှင့် လူသားချင်း စာနာမှုဆိုင်ရာ အကူအညီပေးရေး ညှိနှိုင်းရေးမှူး ဘီရှိုး ပါရာဂျူလီ (Bishow Parajuli) က မုန်တိုင်းသင့်ပြည်သူများအတွက် နိုင်ငံတကာအသိုင်းအ၀န်းက အကူအညီပေးရန် ဆန္ဒရှိကြောင်းနှင့် အဆင့်သင့်ရှိနေပါကြောင်း တနင်္ဂနွေနေ့က ပြောဆိုသောအခါတွင်လည်း ၀န်ကြီးချုပ်ဦးသိန်းစိန်က တုံဏိဘာဝေ နေခဲ့သည်ဟု ရန်ကုန်သတင်းရပ်ကွက်များ၏ အဆိုအရ သိရသည်။

မုန်တိုင်းသင့်ဒေသများသို့ ကုလသမဂ္ဂ၀န်ထမ်းများနှင့် နိုင်ငံတကာ အန်ဂျီအို ၀န်ထမ်းများ သွားရောက်ခွင့် ပိတ်ပင်ခံထားရသည်ဟု လည်း ယင်းသတင်းရပ်ကွက်များက ဆိုသည်။

“မုန်တိုင်းသင့်ဒေသတွေကို နိုင်ငံသားဝန်ထမ်းတွေပဲ သွားခွင့်ပြုပါတယ်။ နိုင်ငံခြားသားဝန်ထမ်းတွေအတွက်တော့ အထူး ခရီးသွား လာခွင့် လိုပါတယ်”ဟု ရန်ကုန် သတင်းရပ်ကွက်တခုက ပြောသည်။  

နာဂစ်မုန်တိုင်း တိုက်စဉ်ကကဲ့သို့ပင် မုန်တိုင်းမတိုက်ခင် ဒေသခံပြည်သူများထံသို့ ကြိုတင်သတိပေးချက်များသည် တာဝန်မဲ့စွာ နှေးကွေးလွန်းလှသည်။

ရခိုင်ပြည်နယ်အတွင်း ဆင်ဖြူများဖမ်းဆီးရန် အမိန့်ပေးခဲ့သည့် ဗိုလ်ချုပ်ကြီးများသည် ထိုပြည်နယ်မှ ပြည်သူများ၏ ပူးဆွေးသောကနှင့် ဘေးဒုက္ခအတိရောက်မှုအပေါ် ကိုယ်ချင်းစာမှု ခေါင်းပါးလှသည်။

လူထုစားဝတ်နေရေးအပေါ် စစ်အစိုးရ၏ စာနာစိ် နည်းပါးမှု၊ အရေးပေါ် အကူအညီများ နှေးကွေးမှုနှင့်  ကြိုတင်သတိပေးရန် ပျက်ကွက်ခဲ့မှုများကြောင့် မုန်းတိုင်းသင့်ပြည်သူများသည် လာမည့် ရွေးကောက်ပွဲတွင် စစ်အစိုးရ၏ ကြံ့ဖွံ့ပါတီကို  ပြစ်ဒဏ်ခတ်ကြ ပေတော့မည်။
Arakan's Woes ကို ဆီလျော်အောင် ပြန်ဆို ဖော်ပြပါသည်။

http://www.irrawaddy.org/bur/index.php/editorial/2008-10-06-11-24-23/4397-2010-10-27-12-16-56