ရခိုင်ပြည်နယ် ဂီရိလေဘေးသင့် ဒေသများတွင် လေဘေး အကူအညီများ ဆောင်ရွက်ရန် ရောက်နေသော စစ်သားများကို ယခုလဆန်းပိုင်းမှ စတင်ပြီး ရုတ်သိမ်းသွားပြီ ဖြစ်ကြောင်း သိရသည်။

ယခုကဲ့သို့ ရုတ်သိမ်းသွားခြင်းမှာ ကရင်ရှေ့တန်းသို့ ပို့ဆောင်ရန် အတွက် ဖြစ်နိုင်ကြောင်း ကယ်ဆယ်ရေး လုပ်နေသူ လူငယ် တစ်ဦးက ပြောသည်။

“ အခု ကယ်ဆယ်ရေး လုပ်နေတဲ့ စစ်သားတွေ တစ်ဦးမှ မရှိတော့ဘူး။ သူတို့ကို အကုန်လုံး တပ်ရင်းကို ပြန်ခေါ်သွားတယ်။ လက်ရှိ သိရတာက သူတို့ကို ကရင်ဘက်ကို ပို့နေတယ်လို့ သိရပါတယ်” ဟု ပြောသည်။

ဂီရိ မုန်တိုင်း ရခိုင်ပြည်နယ်ကို ဖြတ်ကျော် ၀င်ရောက်တိုက်ခတ်ခဲ့သည့် အောက်တိုဘာလ ၂၂ ရက်နေ့မှ စတင်ပြီး လေဘေးသင့် ဒေသများတွင် သန့်ရှင်းရေး လုပ်ငန်းများ နှင့် ပြိုပျက်သွားသော ကျေးရွာများ ပြန်လည် တည်ဆောက်ရေး အတွက် ရခိုင် အခြေစိုက် စစ်တပ် အများအပြားကို ဖြန့်ကျက် ချထားခဲ့သည်။

အမည်မဖေါ်လိုသူ အမျိုးသမီးတစ်ဦးကလည်း “ စစ်သားတွေကို မင်းပြား တိုင်းဗဟို ၉ မှာ စုဆောင်းနေပြီး အဲဒီကတဆင့် ကရင်ဘက်ကို ပို့နေတယ်လို့ သိရပါတယ်။ ကားလမ်းတလျောက်မှာ စစ်တပ်က ကားတွေ အသွားများနေတာကိုလည်း တွေ့နေရပါတယ်” ဟု ပြောသည်။

လက်ရှိ ရခိုင်ပြည်နယ်တွင် အခြေစိုက်သော တပ်ရင်း အများအပြား ကရင် ရှေ့တန်းသို့ ယူဆောင် သွားခဲ့ရာ ယခုနောက်ဆုံး ရသေ့တောင် အခြေစိုက် ခမရ ၅၃၆၊ ၅၃၇နှင့် ၅၃၈ တို့လည်း ပါဝင်ကြောင်း သိရသည်။

ကရင်ပြည်နယ်ဘက်သို့ များမကြာမှီက စစ်ကူ လိုက်သွားသော တပ်ရင်းများမှာ ကျောက်တော် အခြေစိုက် ၃၇၇၊ ၃၇၈၊ ၅၄၀၊ မြောက်ဦး အခြေစိုက် ၅၃၉၊ ၅၃၅ ပုဏ္ဍားကျွန်း အခြေစိုက် ၅၄၅နှင့် စစ်တွေ အခြေစိုက် ၂၅၂ တို့ဖြစ်ကြသည်။
မဇ္ဈိမ