ဂီရီမုန်တိုင်းကြောင့် လဲပြိုကျသွားခဲ့သော ကျောက်ဖြူ မြို့အ၀င် ကျက်သရေဆောင် “ ကြိုဆိ်ုပါ၏” ဆိုင်းဘုတ်ကို ယနေ့ အချိန်ထိ ပြန်မထောင်သေးဘဲ အာဏာပိုင်များက ပစ်ပယ်ထားကြောင်း သတင်း ရရှိသည်။
အမည်မဖေါ်လိုသူ ကျောင်းဆရာ တစ်ဦးက ဆိုင်းဘုတ်ကို ပြန်မထောင်ဘဲ ပစ်ပယ်ထားကြောင်းကို ယခုကဲ့သို့ ပြောသည်။
“အခုက ကျွန်တော်တို့ဆီမှာ အာဏာပိုင်တွေကိ်ု တင်ပြ ပြောဆိုရတာ တော်တော့ကို အခက်အခဲ ဖြစ်နေပါတယ်။ ဘာဖြစ်လို့လည်းဆိုတော့ ရွေးကောက်ပွဲမှာ ရခိုင်လူထုက ကြံ့ဖွံ့ကို မဲမပေးဘဲ ကိုယ့်ရခိုင်ပါတီကို မဲပေးလိုက်တဲ့ အတွက် သူတို့က သိပ်မကျေမချမ်း ဖြစ်နေကြတယ်။ လက်စား ချေတဲ့ အနေနဲ့ သူတို့က ဘာဆို ဘာကိုမှ အရေး မစိုက်ဘဲ ပစ်ပယ်ထားတဲ့ အနေအထားမျိုး ဖြစ်နေပါတယ်။ ကျောက်ဖြူ ဆိုင်းဘုတ်ကို မထောင်ဘဲ ပစ်ထားတာလည်း ဒါကြောင့် ဖြစ်တယ်လို့ ကျွန်တော် သုံးသပ်ပါတယ်။”
ဂီရိမုန်တိုင်း တိုက်ခတ်သွားသည်မှာ တစ်လ ကျော်လာပြီ ဖြစ်သော်လည်း ကျက်သရေဆောင် မြို့အ၀င် ဆိုင်းဘုတ်ကို ပြန်မထောင်ဘဲ ပစ်ပယ်ထားသဖြင့် မြို့ခံများက အတော် မကျေမနပ် ဖြစ်နေကြသည်ဟု သိရသည်။
“ဒီဆိုင်းဘုတ် အပါအ၀င် အရေးကြီးတဲ့ အဆောက်အဦးတွေ ပြိုပျက်သွားတာကိုလည်း ခုထက်ထိ ပြန်မပြင်သေးဘူး။ အထက်အာဏာပိုင်တွေကို တင်ပြရင်လည်း ခင်ဗျားတို့ မဲပေးခဲ့တဲ့ ရခိုင်ပါတီဆီက သွားတောင်းဆိုပီး ပြောဆို လွတ်လိုက်တာတွေ ရှိပါတယ်။ အခု ရခိုင်တိုင်းရင်းသားများ တိုးတက်ရေး ပါတီကို မဲပေးခဲ့တဲ့အတွက် လူထုတွေ အနေနဲ့ စစ်အစိုးရ အာဏာပိုင်တွေရဲ့ အငြိုအငြင်ကို နေရာတိုင်းမှာ ခံနေကြရပါတယ်” ဟု သူက ဆက်ပြောသည်။
ဝန်ကြီးချုပ် ဦးသိန်းစိန် နိုဝင်္ဘာလ ၂၅ ရက်နေ့က ကျောက်ဖြူသို့ လာရောက်စဉ်ကလည်း ဆရာ အတတ်သင်ကောလိပ်နှင့် ဆေးရုံကြီးတွင် မုန်တိုင်းကြောင့် ပျက်စီးသွားသော အဆောက် အဦးများ ပြန်လည် ပြုပြင်ရန် တင်ပြရာ နိုင်ငံတော်၏ စေတနာမှန်ကို နားမလည်သူများ အနေဖြင့် နိုင်ငံတော် အစိုးရထံမှ ဘာအကူအညီမှ ရစရာမရှိကြောင်းနှင့် ရခိုင်ပါတီထံမှ သွားတောင်းကြဟု ပြောဆိုခဲ့သည်ဟု သိရသည်။
၎င်းပြင် ၀န်ကြီးချုပ်သိန်းစိန်သည် အဆိုပါနေ့ နံနက်က ၉ နာရီ ၄၅ မိနစ်တွင် ကျောက်ဖြူမြို့သို့ ရောက်ရှိလာပြီး မြို့ဖိ မြို့ဖများနှင့် တွေ့ဆုံရန် ပြုလုပ်ထားသော အစီအစဉ်ကို ဖျက်သိမ်းပြီး ၁၁ နာရီ ၂၀ တွင် ကျောက်ဖြူမြို့မှ ပြန်ထွက်ခွာသွားခဲ့သည်ဟု သိရသည်။
ရခိုင်ပြည်နယ် လေဘေးသင့်ပြည်သူများကိုလည်း ရွေးကောက်ပွဲတွင် ရခိုင်တိုင်းရင်းသားများ တိုးတက်ရေး ပါတီကို မဲပေးခဲ့ကြသဖြင့် အာဏာပိုင်များက အထူး မကျေမနပ် ဖြစ်နေကြပြီး ယခုအချိန်ထိ လေဘေး အကူအညီများကို ပြည့်ဝစွာ မပေးဘဲ ပိုပြီး ဒုက္ခများနှင့် ကြုံတွေ့ရအောင် အာဏာပိုင်များက အကွက်ကျကျ စီစဉ် ပြုလုပ်နေသည်ဟု သတင်းများ ရရှိသည်။
http://www.narinjara.com/detailsbur.asp?id=2891
* ** <<<နောက်ဆုံးရသတင်း>>>ဂီရိဒုက္ခသည်များ ထပ်မံတိုးပွါး၊ အကူအညီများ အကြီးအကျယ်လိုအပ် ကျောက်ဖြူ အောက်တိုဘာ ၂၆၊ ၂၀၁၀ (၇း ၂၃ မိနစ်အချိန်မှမေးမြန်းချက်) CLICK HERE----ရခိုင်ပြည် ဂီရိမုန်တိ်ိုင်းလေဘေးဒုက္ခသည်များကူညီထောက်ပံ့ ရေးကော်မတီ ( ထိုင်းနိုင်ငံ) နှင့် အင်တာဗျူး (CLICK HERE) ***
ဂီရိမုန်တိုင်း ဓာတ်ပုံများစုစည်းမှု
* ** မုန်းတိုင်းနှင့်ပတ်သက်သမျှ သတင်းအချက်အလက်၊ ဓာတ်ပုံတွေကို ရသမျှစုစည်းတင်ပြသွားပါမယ့်။ လေဘေးသင့် ရခိုင်ပြည်သူတို့အား သနားစာနာ ကူညီချင်သည်ဖြစ်စေ၊ သတင်းဓာတ်ပုံနှင့်တို့ကို ပို့ပေးချင်သည်ဖြစ်စေ ဒီနေရာမှာ ဖော်ပြထားသော ပြန်ကြားရေဌာနမှတာဝန်ခံတွေကို ဆက်သွယ်မေးမြန်းပို့ပေးနိုင်ပါတယ်။ ကျေးဇူးတင်ပါတယ်။ ***
ဂီရိကြောင့် ပြိုကျသွာခဲ့သော ကျောက်ဖြူမြို့ ဆိုင်းဘုတ် ပြန်မထောင်သေး
Posted by
ကျောက်ဖြူသားချေ
Tuesday 30 November 2010
Powered by Blogger.
0 Responses to ဂီရိကြောင့် ပြိုကျသွာခဲ့သော ကျောက်ဖြူမြို့ ဆိုင်းဘုတ် ပြန်မထောင်သေး